Dei gratia Ambianensi episcopo, in capitulo Ambianensi, coram nobis, nomine civitatis emendam ad arbitrium omnium nostrum vel majoris partis, Deo et ecclesie faciendum pro facto flagicioso decem et septem scolarium quos Firminus Gounors, prepositus regis.

In civitate Ambianensi violenter cepit feria VIa post festum beati Martini estivalis proximo preteritum, et cum multis injuriis enormibus cum quibusdam ministris suis violenter duxit ad berefredum, in qua ductione unus scolarium ita fuit graviter vulneratus quod ipsa nocte expiravit, sequenti autem die, quinque de dictis scolaribus a berfredo usque ad furcas distraxit et eos furcis suspendit ita viliter eos tractando in distractione et suspensione quod a seculo non est auditum de aliquo latrone quantumcumque famoso